Page 106 - Алаатыыр Ала Туйгун. 2-с үйэтэ

Арҕахтарыгар киирдилэр,
Хорсун кыыллара
Хороонноругар түстүлэр,
Эһэлиин иһийдилэр,
Бөрөлүүн бүктүлэр.
Дьиэттэн тахсыбат
Силлиэ түстэ,
Ааны аспат
Алдьархай буолла.
4160 Охсуһа турар бухатыырдар
Бэйэ-бэйэлэриттэн
Бэркиһэспит курдук
Түөс түөстэриггэн
Төттөрү аанньыһан кэбистилэр.
Кэннилэринэн дьиэрэҥкэйдэһэн тиийэннэр,
Иккиэн икки туруук хайаҕа
Кэтэхтэриттэн анньылла түстүлэр.
Утары корсөн кэбиспиттэрэ —
Хайа да өртүлэриттэн
4170 Сиритэ охсуһан,
Хаан таһаарсыбатылар,
Туох да өртүлэриттэн
Сиритэ охсуһан,
Симэһин сүүрсүбэтэхтэр,
Абааһы уола
Аллараа дойдуга
Аҥардастыы аатыран,
Атыйахтаах уу курдук
Аймаан туран ааҥныыра,
4180 Үөһээдойдуну
Үөннээх түптүйэ курдук
Үлтү тэпсэн түүрэйдиирэ,
Өрө көрдөрбөккө,
Орто дойдуну
Тордуйалаах уу курдук
Долгутан туран
Соҕотоҕун суоһурбута,
Уон тарбахтаах
Утары дуксуйбатар,
4190 Утарылаһар күүстээҕи булбатаҕа,
Хоммут сирин кураанахтыыра,
Тохтообут сирин тобоҕолуура,
Иннигэр түбэспити
- 102 -