Page 109 - Алаатыыр Ала Туйгун. 2-с үйэтэ

4280 Хаалларыам суоҕа,
Этиттэн эстэрик саҕаны
Энчирэтиэм суоҕа,
Бэйэм даҕаны
Мэҥиэстээри турабын.
Соҕотоҕун дарны
Тобоҕолуурум буолуо.
Идэмэр хара биистэрэ
Иҥсэрэ сылдьымаҥ,
Соллоҥ хара удьуордара
4290 Чугаһыы сылдьымаҥ,
Үөһээ-аллараа буолуҥ, — диэн,
Үөгүлүү-хаһыытыы турда.
Алаатыыр Ала Туйгун
Кыыһырыах санаата
Кырыытынан киирдэ,
Уордайыах санаата
Уолугун үүтүнэн
Охсуллан түстэ.
Чуор мае курдук
4300 Чоноруччу таттарда,
Хатан мае курдук
Ханаччы таттарда,
Киил тиит курдук
Кэдэрийэн барда,
Икки иэнин иҥиирэ
Икки киил айа
Кирсин курдук
Кэдэриччи тыытта.
Уон тарбаҕын сүрэҕэ
4310 Уон сордоҥ балык курдук
Бүллүргэччи мөҥүөлээтэ.
Икки хараҕын уота
Улуу уус сириэһинин курдук
Икки чанчыгын
Сырдыррччы салаан таҕыста.
Түөһүн этэ
Чүүччэх балык курдук
Түллэҥнии мөҕүстэ.
Ойоҕоһун этэ
4320 Уомул балык курдук
Уһулута оонньоото.
Хахай хааннанна,
105
-