Page 110 - Алаатыыр Ала Туйгун. 2-с үйэтэ

Бөппүрүөк мөссүөннэннэ,
Эриллэҕэс эттэннэ,
Хахайдыы хаһыытаата,
Өксөкүлүү үөгүлээтэ,
Туруук хайаттан
Тэбинэн баран,
Ыстанан кэбистэ.
4330 Абааһы уола
Эһэлии часкыйда,
Бөрөлүү улуйда.
Иккиэн уун-утарыта
Икки туруук хайа курдук
Түөс түөстэринэн
Кэтиллэ түстүлэр.
Үрдүк халлаан
Өрөһөтүн диэки кутаа уот
Өрө уһуура түстэ.
4340 Бэтэрээ хайа мэҥирээтэ,
Улаҕа хайа орулаата,
Түгэх дойду нүһүрүйдэ,
Сир ийэ түгэҕиттэн
Титирэстии түстэ.
Айыылаах абааһы бухатыырдара
Абаран сатаран туран,
Уруккутааҕар уонунан ордук
Уоҕуран-кү үһ үрэн,
Охсуһан бардылар.
4350 Илбистээх-имэҥнээх
Эттэһиини эттэстилэр,
Кыһыылаах-кьщьыктаах
Кырбаһыыны кырбастылар,
Адцьархайдаах садыамнаах
Анньыалаһыыны анньыаластылар,
Оһоллоох-ночооттоох
Охсуһууну охсустулар.
Сутуруктарын тыаһа
Дохсун этиҥ тыаһын курдук
4360 Дьулуо маҕан халлаан
Дьуйатыгар* дуораһыйан таҕыста.
Тинилэхтэрин тыаһа
Тэргэн этиҥ курдук
Сири түгэҕинэн
Ньирилии ньиргийдэ.
106
-