Page 125 - Алаатыыр Ала Туйгун. 2-с үйэтэ

Тобулута тоҥсуйуохтара.
Биир кэбирэх эттээхпитин
Урут сиэхтэрэ,
4970 Биир бөҕөбүт орд он хаалыа,
Онно бараҕын дуо, нойон, киһиэ? — диэтэ
Абааһы уола.
Онуоха буоллаҕына
Алаатыыр Ала Туйгун:
— Кор да маны,
Бу дойдуга
Тимир дэриэтинньик
Тииһин-тыҥыраҕын хоппокко
Сии-аһыы охсубатым диэҥҥин,
4980 Өлүү чөҥөрө байҕал
Үөнүгэр-көйүүрүгэр сиэтээри,
Сүбэ булаахтаатыҥ дуо,
Түүнүк сирэй
Чэ, барыах эрэ, — диэтэ
Алаатыыр Ала Туйгун.
Айыылаах абааһы бухатыырдара
Хара сымара таас
Хабырыта барыар дылы
Хатан часкыыры
4990 Часкыйа түһэн бараннар
Хахай кыыллыы
Хапсан ыллылар,
Хады-куду харбастылар,
Хамса быатын курдук
Хам ыга эристилэр.
Үөһээ бөҕө үмүрүйүөр
Аллараа бөҕө
Нэмирийиэр диэри
Үөгүлэһэ түһэн бараннар
5000 Өксөкүлээх хахай буолан,
Үрдүк халлаан
Үмүрүйэр төбөтүгэр
Өрө уһууран тахсан бараннар,
Тэбиэ маҥан халлаан
Чинэрийэр уорҕатыттан
Тэбинэн кэбистилэр.
Өл үү чөҥөрө байҕал
Үллэр үөһүгэр
Үрдүк таас хайа
121 -