Page 123 - Алаатыыр Ала Туйгун. 2-с үйэтэ

Күүстэрэ баарынан
Күөдэлиһэн кэлэннэр,
Күүстээх охсуһуу
Күдэрик буурҕатыгар
Төбөлөрүн оройунан
Түҥнэри-таҥнары ытыллан,
Үрүҥ кумах курдук
Үлтү сынньыллан,
Өлөн-сүтэн,
4890 Үөдэн-таһаан буолан,
Өрүкүһэн испиттэр.
Охсуһа турар бухатыырдар
Бу тухары
Хайалара даҕаны
Хайа оҕустаран симэһин сүүрбэтэх,
Тириилээх айа кирсин курдук
Тэбис-тэҥ дьон буолбуттар,
Тэппит уллуҥахтара халтарыйбатах,
Үктэммит сүһүөхтэрэ бүдүрүйбэтэх,
4900 Көрбүт харахтара чыпчылыйбатах,
Ордук сытайан
Орулуур уон ый
Устатын тухары
Уурайбакка-тохтообокко
Охсуһа турбуттар эбит.
Кыһыл илиилэринэн кырбаһан
Кыларытыһыа суохтар,
Хатан биилээҕинэн
Хайыта сынньыспатахтар,
4910 Торҕо биилээҕинэн
Тоҕута охсуспатахтар,
Түөс түөстэриттэн
Төттөрүтэ анньыһан кэбистилэр.
Икки өһөгөйдөөх өстөөхтөр
Өһүөннээх үлүгэрдик
Өтөрүтэ корсүһэн турдулар:
— Аарт-татай, оҕолоор!
Одун хаан оҥоруубут,
Тыйыс хаан дьылҕабыт
4920 Айыылаах абааһыгган
Акка ыҥыырдаатахха кэлтэгэйдээбэт
Тэн' бухатыырдар
Түмэн бараан дойдуга
- 119 -