Page 124 - Алаатыыр Ала Туйгун. 2-с үйэтэ

Төрөөбүт эбиппит.
Ол гынан баран
Айыылаах абааһы эйэлэһэн,
Икки аҥыы барарбыт
Хайдах да табыллыбат.
Иккиттэн биирдэспит
4930 Кыайдаҕына эрэ,
Бу орто аан ийэ дойду
Оннугар түһүө,
Олоҕун булуо.
Иккиэн баарбыт тухары
Аан дойду
Атыйахтаах уу курдук дьалкыһыйыа,
Сир-ийэ
Симиирдээх кымыс курдук титирэстиэ,
Онон буоллаҕына
4940 Биирдэспит хаптайа илигинэ
Тохтуо суохтаахпыт, — диэтэ
Алаатыыр Ала Туйгун.
Абааһы уола
Айаҕын атта,
Аһыытын ардьатта:
— Кырдьык кыһытар буоллаххына,
Самантан туе хоту диэки
Түспүт күөрэйбэтэх,
Т имирбит дагдайбатах
4950 Өлөр өлүү чөҥөрө байҕал
Үллэр үөһүгэр,
Өргөстөөх үҥүү төбөтүн курдук
Өрө үүнэн турар
Өһөгөйдөөх таас хайа
Өргөстөнөр төбөтүн оройугар,
Үктэнэн тураммыт
Охсуһан көрүөх эрэ.
Онно тиийдэхпитинэ,
Алын өртүбүтүттэн
4960 Тимир тиистээх
Хамсык хара үөнэ
Дьөлө көмүллүөҕэ,
Үрүт өртүбүтүтгэн
Оботтоох торҕон кыыллара
Уот сойуо тумустарынан
Төбөбүт оройуттан
120 -