Page 19 - Алаатыыр Ала Туйгун. 2-с үйэтэ

Ардьамаан-Дьардьамаан
Саҥа аллайан
Сатаарыйа түстэ:
— Алаатыгар, алаатыгар, оҕолоор!
Билсэн ааспыт
420 Бэртээхэй доҕорбун
Билигэскин бэркиһээтим,
Көрсөн ааспыт
Күндү доҕор уолбун
Көрүгэскин сөхтүм,
Хаарыаннаахай атаспын
Хапсаҕайгын хайҕаатым,
Оһоллоору соруйан,
Оноҕостоото диэҥҥин,
Уордайа-кыыһыра кэлбэтиҥ,
430 Уолуйа-соһуйа барбатыҥ.
Ол да иһин
Аҕыс үйэ тухары
Айдаарыйан аатырдын диэн
Албан аттаабыттар эбит,
Тоҕус үйэ тухары
Чуораадыйан сураҕырдын диэн,
Дьоһун сурахтаабыттар эбит.
Бу ийэ бараан дойдум
Иҥнэстигэс иэнигэр,
440 Түмэн дабаан дойдум
Т үҥкэтэх д үөдэтигэр
Аата-ахсаана биллибэт
Адаар таас арҕастаах,
Сиксигэ-эргимтэтэ көстүбэт
Сис хара тыа дьирбиилээх,
Хаҥыл хара тыа хадьааһыннаах,
Улаҕата биллибэт
Улуу тумаралар,
Мугур* түгэҕэ көстүбэт
450 Муус Кудулу байҕалларын
Уулары -тыал ары,
Бултары-алтары
Буур тайахтары,
Буурай кэрэмэстэри,
Хатан хардааччылары,
Ардай аһыылаахтары,
Уоттаах саһыллары,

- 15 -