Page 20 - Алаатыыр Ала Туйгун. 2-с үйэтэ

Бэлиэлээх кыыллары,
Бука барыларын
460 Биэс тарбаҕым курдук
Билэн-көрөн сылдьар
Булчуттарын мугутуура,
Бэкийэр бэртэрэ
Мин киһи
Албан аатым,
Дьоһун сураҕым
Тоҕус уон куотар бөҕө
Кубулҕатгаах,
Аҕыс уон аҕыс
470 Ааһар албастаах
Айыытган чаҕыйбат,
Абааһыттан кутгаммат
Ардьамаан-Дьардьамаан диэн,
Ааттаах бухатыыр буолабын.
Атаскааным оҕото,
Араскаакка ыллардаххына,
Ааппын ааттаан ыҥырар буолаар.
Ыҥырдаргын эрэ,
Ыраах да буолларбын
480 Суһаллык чугаһыам,
Дириҥ да буолларбын
Тиэтэллик дагдайыам,
Үрдүк да буолларбын
Түргэнник түһүөм.
Анаан санаатаххына
Аксым* да алдьархайтан
Абырыыр атас гиэнэ
Бастыҥа атас буолуом,
Соруннарбын эрэ
490 Дохсун да өлүүттэн
Өрүһүйэн ылар
Доҕор гиэнэ дьоһуннааҕа буолуом.
Суол киһитэ
Суолуҥ тубустун
Айан киһитэ
Айаныҥ табылыннын,
Быралыйар-куралыйар
Бырастыыкай буоллун, — диэтэ да,
Илин халлаан
500 Эҥсэлийэр түгэҕин диэки
16
-