Page 213 - Алаатыыр Ала Туйгун. 2-с үйэтэ

8580 Бөрөлүү уобар,
Бүөрүгэ биллибэт
Бүскэйбит омуттаах,
Мээрэйэ биллибэт
Бискэллибит истээх,
Ардьайбыт тиистээх,
Адаа-быдаа тыҥырахтаах
Амырыын улахан
Абааһы уола
Көлүйэ күөлү
8590 Омурдан ыла-ыла,
Уун-утары уһууран,
Онон тумнаран,
Омурдан ылаары,
Аартыктарыгар тоһуйан,
Айаҕын атан
Адалыйан турар эбит.
Ону көрөн баран,
Икки абааһы уолаттара:
— Айыыккабыын даа-а,
8600 Аны киһини
Омурдан ылыаҕа,
Арай бэйэҥ бастыыһыккын, — диэт,
Киһилэрин кэннигэр
Сөрүөстэн биэрдилэр.
Тоһуйан турар
Абааһы уола
Омурдан ылаары,
Утары сүүрэн
Бискэһийэн кэллэ.
8610 Алаатыыр Ала Туйгун
Симэһин хаан утахтаах,
Сиикэй эт аһылыктаах,
Сириэһин уота тыыннаах
Сэттэ үөстээх
Тимир бурут
Куо-дьэллик
Кулан урбай кымньыытын
Сулбу тардан ылла:
— Хантан кэллиҥ
8620 Тугу гына тураҕын,
Аатыҥ-суолуҥ кимий? — дии-дии,
Таһыйан урбатта.
- 205 -