Page 214 - Алаатыыр Ала Туйгун. 2-с үйэтэ

Абааһы уола
Ат-бут буолла,
Өрүтэ тытынньахтаата:
— Абытайбын, халахайбын!
Тохтоо, тохтоо, өлөрүмэ даа,
Тойонум Уот Субурҕа бухатыыр
Үөһээ-аллараа дайдыны
8630 Үлтү чүүччэйэн,
Орто дойдунан урбачыйан,
Омурдааччыттан омурдааччыны,
Уобааччытган уобааччыны
Миэхэ тиийэри
Букатын булбатаҕа.
Ол иһин
Алаатыыр Ала Туйгун
Бухатыыр кэллэҕинэ,
Уобан ылаҥнъш
8640 Омурдуҥ иһигэр хаайан
Уруубар-ыһыахпар киллэрдэххинэ,
Уллуктаах-сототунан
Мүһэ туттаран,
Бастыҥ чалаха
Маанылааҕа далбарыкка,
Олордуом диэбитэ.
Айыы хаан аймахтарыгар
Адалыйан таҕыстахпына,
Араҕас дьэдьиэн курдук тэпсэммин,
8650 Аһаабытым-сиэбитим ордугун
Аҕыстыы дьиэ киһини,
Айаҕым иһигэр хаайаммын,
Аҕа баһылыкпар
Арсан Дуолай оҕонньорго
Тоҕо сүөкээн биэрэн,
Аһатан-сиэтэн,
Хайҕатар-таптатар буоларым.
Уобар соллоҥноохторум
Уруулара-ыһыахтара буоллаҕына,
8660 Орто дойдуга тахсаммын,
Уу харахтаах
Утары уллуҥахтаах
Урааҥхай саха удьуордарын
Уулаах отон курдук ныһыйан,
Убаҕас хааннарын
- 206 -