Page 217 - Алаатыыр Ала Туйгун. 2-с үйэтэ

Тиийбит тимирэн иһэр,
Үктэммит өрүкүс гынар,
Түспүттөбөтүнэн барар,
Киирбит эргийбэтэх,
Барбыт төннүбэтэх,
Үктэниэххэ үктэлэ суох,
Олоруохха оргула суох,
Тохтуохха состуой көстүбэт
8760 Сир-халлаан
Силбэһэр ыпсыытыгар
Биэрэҕин булларбакка,
Бискэҥнии сытар
Кэҕэй хара байҕал
Хаба ортотунан
Хаахынай балык
Хатыылаах арҕаһын курдук
Хатан үөрбэ аартык
Харааран өргөстөнөн көһүннэ.
8770 Ол аартык айаҕар
Хара Кэҕэй
Ап Чалахай
Байҕал иччитэ
Өһөх Сөрөнөкүй
Уот Кутаалай удаҕан,
Обургу-дьаалы,
Үөһэнэн
Көтөр кынаттааҕы көтүппэккэ,
Аллараанан
8780 Күөх салыҥнааҕы умсарбакка,
Быһылааннаах илбистээх
Былаа хара илиитин
Былыт курдук быластаабыт,
Айаҕын айаан үрэх саҕа
Дьаллаччы аппыт,
Үөһээ сыҥааҕын
Үрдүк былыт
Соһуутугар хатаабыт,
Аллараа сыҥааҕын
8790 Аллараа Ап Чалахай
Байҕал түгэҕэр түһэрбит,
Албастаах-кубулҕаттаах
Алып-соллоҥ
Хамсык хара тылынан
- 209 -