Page 216 - Алаатыыр Ала Туйгун. 2-с үйэтэ
P. 216
Хара аартык устун
8710 Тэлиэс-былаас тэбинэн,
Тэнтик-мунтук уктэнэн,
Түҥкэл-танкал
Сүүрэ турда.
Ол кэнниттэн
Көтөҕүлээх Көдөлү Хара
Бухатыыр батыста,
Ол кэнниттэн
Охсуулаах Уоһуйа Хара
Бухатыыр эккирэттэ
8720 Кэннилэриттэн тойонноро
Алаатыыр Ала Туйгун
Ситэ баттаан
Бэкидийэн истэ.
Иитэ-саҕата биллибэт
Иҥнэри-таҥнары,
Эриэллэҕэс-буруллаҕас,
Эрэйдээх эриэһиннээх,
Иһилгэ-таһылга
Аартык устун
8730 Эккирэтиһэн түһэн
Бара турдулар.
Аҕыс иилээх-саҕалаах,
Атааннаах-мөҥүөннээх
Аан ийэ дайды
Алтан чаан
Сиксигин курдук
Аалыллан түһэр
Анысхааннаах-мэҥилгэннээх
Анарааҥны тардыыта буолла.
8740 Отут ургунньахтаах
Орто-туруу дьоҕул дойду
Уйан өтүүк тумсун курдук
Умсары дьиппинийэн тиийэн,
Уораһыйар улаҕатыгар
Сир ийэ
Сири иһит
Сиксигин курдук
Сириэдийэн -дьиппинийэн,
Тиийэн баран,
8750 Бүтэр уһугар,
Мүлтүйэр төбөтүгэр
208 -
