Page 218 - Алаатыыр Ала Туйгун. 2-с үйэтэ

Байҕалы түгэҕинэн
Бааҕыначчы булкуйа,
Былыты быыһынан
Быһыта салыы турар эбит.
Ханан да
8800 Халбарыйан ааһар
Хайаҕас мэлигир эбит.
Туох да өртүнэн
Тумнан ааһар
Суола-ииһэ
Суох дойду буолла.
Үөһээ ертүнэн
Өксөкү кыыл буолан көттөхтөрүнэ,
Төбөлөрүттэн ыйыстыыһы,
Аллараанан
8810 Тимир дьуос балык буолан
Тобулу түстэхтэринэ,
Атахтарыттан ыйыстар
Аһарбат-ыыппат
Ааһар бөҕө албастаах,
Куоттарбат-мүччүрүппэт
Куудьуйар бөҕө кубулҕаттаах,
Айыы диэн ордорбот
Хамсыыры харамайы
Хара күлүктээҕи
8820 Харана турар,
Бэриҥниири-сүөдэҥниири
Мэҥиэстэри эрэ билэр,
Аҕыс атахтаах
Адьарай бөҕө
Арахсыбат-халбарыйбат
Ардьархайдаах албастааҕа буолла.
Көстүбэт бөҕө
Көлбөрүйбэт-мүччүрүйбэт
Күтүрдээҕэ буолла.
8830 Онно тиийэн
Алаатыыр Ала Туйгун
Саҥа саҥара,
Тыл кэпсии,
Өс тобула,
Турбута эбитэ үһү:
— Дьиэ буо, дьиэ буо!
Бу сир-халлаан
- 210 -