Page 219 - Алаатыыр Ала Туйгун. 2-с үйэтэ

Силбэһэр ыпсыытыгар
Биэрэҕин булларбакка,
8840 Бискэҥнии сытар
Ап Чалахай байҕал
Иччитэ буолбут
Өһөх Сөрөнөкүй
Уот Кутаалай удаҕан,
Эн диэтэх киһини
Араскаатгаах аартыгын
Аһан биэриэ диэн,
Буомчулаах суолун
Тобулан биэриэ диэммин,
8850 Илии тутуурдаах,
Өттук харалаах,
Хоой хостуурдаах,
Хоннох аһардаах,
Лөкө сүгэһэрдээх,
Сөҥ төргүүлээх,
Батыччы манньалаах,
Тута туттарыылаах,
Уон тарбах
Оноҕойдоох уунуулаах,
8860 Биэс тарбах
Мэнэгэйдээх биэриитинэн
Бэлэх-туһах
Биэрээри кэллим.
Ол тугуй диэтэххинэ
Аллараа дайды
Албан ааттаахтарыттан
Талан-талан таһаардым,
Үөһээ дайды
Үтүө сурахтаахтарыттан
8870 Сүүмэрдээн-сүүмэрдээн түһэрдим,
Орто дойду
Дьоһуннаах үтүө туйгуннаахтарыттан
Чулуулаан чулуулааммын,
Доҕоро суох
Дьон гиэнэ туйгуннарын,
Кэргэнэ суох
Уолан дьон одьунаастарын,
Үс үтүөкэннээх
Дуолан бухатыыр уолаттары
8880 Булан аҕаллым.
211 -