Page 220 - Алаатыыр Ала Туйгун. 2-с үйэтэ

Бу дьон буоллаҕына
Ойоҕунан омсолонон,
Кэргэнинэн кэрэҕэйдэнэн,
Дьахтарынан наадыйаннар,
Ханна үчүгэй дьүһүннээх,
Кыстык-тэтэркэй имнээх
Кыыс оҕо баарый
Суорумньулаа эрэ диэннэр,
Кытыы кыһалҕаҕа түһэннэр,
8890 Кыһайбыттарын иһин
Кыыс оҕо кырасыабайын,
Дьахтар киһи талыытын
Эйигиттэн ордугу
Истибэт этим.
Ол иһин
Уолан дьону
Уостаах-тиискэр умсугуйуохтара,
Харахтаах хааскар хараастыахтара,
Дьүһүннээх үскэлгин көрөннөр,
8900 Сүрэхтэрэ сөбүлүө,
Сүһүөхтэрэ хамсыа диэммин,
Бу эр бэртэрин,
Элик үтүөлэрин
Эйигин көрдөрө,
Илдьэ кэллим.
Кырдьыга даҕаны,
Мин да уолаттарым
Кэргэн гыныам диир
Кыыс оҕо
8910 Кэрэгэйдии санаабат
Кэрэмэс дьонноро,
Доҕор оҥостуом дииргэ
Туох да омсото суох
Дьоһуннаах уолаттар.
Бу эн ин дайды
Эргэнэ бэлэхтэриттэн,
Туспа дойду
Дьорохоно сотолоохторуттан,
Тастыҥ дайды
8920 Талыы бастыҥнарытган,
Тарбаххынан талаҥҥын,
Сөмүйэҕинэн сүүмэрдээн ҥин,
Сөбүлүү көрбүккүн,

- 212 -