Page 221 - Алаатыыр Ала Туйгун. 2-с үйэтэ

Таптыы санаабыккын,
Талан ылан хаал,
Куустуһуохха кутуулаах курбуһахтаах,
Сыллаһыахха сырыылаах муруннаах,
Уураһыахха омуннаах уостаах,
Таптаһыахха айылаах,
8930 Талыы-талба
Уолаттар буолуохтара, — диэтэҕэ.
Инньэ диирин кытта
Ап Чалахай байҕал иччитэ
Уот Кутаалай удаҕан
Албаһын тардынна,
Кубулҕатын хомунна
Түүлээх үөн курдук түүрүлэннэ,
Таллан ааҕый курдук
Таккыраччы тарта,
8940 Эриэн үөн буолан
Иэнинэн таһыйбахтаата,
Хара кумаҕынан аалынан
Хара бараан
Дьахтар буолан,
Хааман-сиимэн маталдьыйда,
Үрүҥ кумахха үҥкүрүйэн,
Үрүҥ кубаҕай
Дьахтар буолан
Өрүтэ мөҕүстэ.
8950 Кыһыл кумаҕынан аалынан
Кыстык-тэтэркэй имнээх
Кыыс оҕо буолан,
Хааман ньылбылдьыйда,
Саҥа саҥаран татынньахтаата,
Ырыа ыллаан ыҥсалыйда:
— Алаатыгар-уһулаатыгар,
Иһилигим-таһылыгым!
Иһиликпин-таһылыкпын!
Иэхэйикпин-чуохайыкпын!
8960 Айыы хаан аймаҕыттан
Ааттаах бухатыырдара
Атаҕын икки ардыгар
Аҕыстыы дьылхан тиит
Устатьш саҕаны
Аралдьыта үктээн,
Атаралаан сиэлэн барар

- 213 -