Page 224 - Алаатыыр Ала Туйгун. 2-с үйэтэ

Ситэн тиийэҥҥин,
Чэгиэн ЭТИН СЭЙМЭХТЭЭҤҤИН,
Сиһин-үөһүн булкуйан,
Өлөрбүтүн иһин
Сэмэлиэм-суҥхалыам суоҕа,
Кыаттардын да кырбастаннын,
Кыратык да кыһаныам суоҕа,
Аччыгыйдык даҕаны
9060 Аһыйыам суоҕа,
Куччугуйдук да
Курутуйуом суоҕа.
Миэхэ тэллэххэ сытар тэҥнээх,
Хоонньуга сытар
Холоонноох доҕор
Көһүннэ да күн көҥүлэ,
Таҥара талбата,
Кыһалҕаттан тахсабын,
Эт-хаан эрэйиттэн быыһанабын.
9070 Өлөн эрэри өрөһүйбэппин,
Хаалан эрэри тохтоппоппун,
Умайан эрэри умулларбаппын.
Өлбүт өллүн,
Алдьаммыт алдьаннын,
Аһыныах аччыгый,
Кыһалҕа кыччыгый,
Күҥҥэ көстүбэтэх
Күндү үтүө
Күөкэримэ доҕорбун кытта
9080 Дьиэһийэ хара дьиэбитигэр,
Уоһуйа хара ордуубутугар,
Ороммутугар-тэллэхпитигэр
Уун-утарыта куустуһан,
Омуннаахтык уураһан,
Утахпытын ханнаран,
Уоскуйан-намырыйан,
Утуйуохпут буолаахтыа.
Сылаас эппитинэн
Сыстыахпытынан сыстыһан,
9090 Сырылаччы сыллаһан,
Сытаахтыахпыт буолаахтыа, — диэтэ да,
Иэнинэн тиэрийбэхтээтэ,
Иирбит курдук дьиэгинийдэ,
Икки илиитин
- 216 -