Page 223 - Алаатыыр Ала Туйгун. 2-с үйэтэ

9010 Айыы Ньулурдаан Куо диэн кыыстарын
Уоран-талаан,
Ойох ылан иһэн,
Күн өркөн уустарын
Куустээх бухатыырдара,
Айыы хаан аймахтарын
Аатгаах атамааттара,
Ириэнэх суолбун ирдээн
Эккирэтэн кэллэхтэринэ,
Араскааттаах аартыкпын аһыма,
9020 Буомчулаах суолбун
Тобулан биэримэ,
Төлөрүйбэт суллугэс буолан анньынаар,
Халыҥ халҕан буолан
Сабыллаар диэн,
Ап Чалахай байҕал
Аартыгар тоһуттарбыта.
Аҕыс уон
Ааһар бөҕө албастанан,
Тоҕус уон
9030 Куотар бөҕө кубулҕаттанан,
Биэрэккэ кэлбити
Мэҥиэстэн-ыйыстан,
Мэлитэн испитом.
Аартыкпар кэлбити
Айахпар түһэрэн,
Аҕыйахтыыта ыстаан,
Амсайа турбутум.
Иннибэр чугаһаабыты
Эҕирийэн ылан,
9040 Иһим түгэҕэр туһэрэн,
Иҥсэбин баттатарым.
Ол да буоллар
Маннык бэйэлээх,
Балтаччы манньалаах,
Бэлтэччи бэлэхтээх
Бэртээхэй киһиэхэ
Аартыкпын аспат,
Суолбун тобулбат
Буолуом дуо?
9050 Убайым тойон
Уот Субурҕа бухатыыры
Дьиэбитигэр да тиэппэккэ

- 215 -