Page 222 - Алаатыыр Ала Туйгун. 2-с үйэтэ

Аллаах айаннаах,
Ахсым сырыылаах,
Араҕас сиэр аттаах
8970 Алаатыыр Ала Туйгун
Аллараа, үөһээ дайдынан
Албан аатын'
Атыыр оҕус буолан,
Лаҥкыначчы айаатаан,
Аатырбыт эбиккин.
Мин диэтэх киһини
Саныыр санаабын
Таба таайбыккын,
Өйдүүр өйбүн
8980 Өтөрү билбиккин.
Кырдьыга даҕаны,
Күн анныгар
Күөкэримэ доҕор
Көстөөрөй диэммин,
Күндүккэтэн туран,
Көһүппүтүм суоҕа.
Киһи буолан бараммын
Кэтэспитим эрэ,
Кэргэн көрдьөһөр киһи
8990 Кэлээрэй диэммин,
Кэтэһээхтиир да этим.
Кэлэн биэрдэҕэ
Кэбирэҕин эриэхсит,
Үтүө киһи
Өҥөлөһөрүҥ даҕаны
Өлгөмчү эбит.
Бастыҥ киһи
Манньаҥ даҕаны
Балтаччы эбит.
9000 Бэрт киһи
Биэртиҥ даҕаны
Бэлтэччи эбит.
Мин убайым
Уот Субурҕа бухатыыр
Орто дойдуттан
Толомон Суорун оҕонньор
Тоҥкуруун Баай эмээхсин
Аччыгый оҕолорун
Аҕыс былас суһуохтаах
214
-