Page 226 - Алаатыыр Ала Туйгун. 2-с үйэтэ

Дьураадыйан көһүннэ.
Абааһы уолаттара
9140 Ол аартык устун
Мүччү-халты тэбинэн,
Охто-охто уйуттан,
Түһэ-түһэ төннөн,
Бара-бара байаатган,
Сүһүөхтэригэр турумуна
Сүһүргэйдэринэн үнэн,
Ат буолан адаарыһан,
Айаннаан бардьшар.
Алаатыыр Ала Туйгун
9150 Оргууй аҕай
Атаҕын төбөтүнэн
Дэгэйэн истэ,
Барбахтааҥ диэн ыксатан,
Куо-дьэллик
Кулан урбай кымньыытынан
Күүстээх сата
Тыаһын курдук
Куһугурата истэ.
Абааһыларын уолаттара
9160 Ордук ыксаан,
Улам-улам бытааран,
Быардарынан сыыллан истилэр.
Хаахынай балык
Арҕаһын курдук
Хара үөрбэ аартыкка
Тараһаларын-таманнарын
Хайыта-тырыта тыыттаран,
Эттэрин-тэриилэрин
Илдьи сыыйан,
9170 Эрэй-муҥ бөҕөнү көрөн,
Илистэн-сылайан,
Эстэн-быстан,
Этгэрэ-хааннара баранан,
Уҥуохтара-тэриилэрэ,
Уу харахтара
Уҥуор туораан
Ордон таҕыстылар.
Ол уҥуоргу өртүгэр
Олгуобуйа тостубут,
9180 Ураҕас булгуруйбут,
- 218 -