Page 227 - Алаатыыр Ала Туйгун. 2-с үйэтэ

Бурҕалдьы силлибит,
Алар алдьаммыт,
Ороскуот тахсыбыт,
Оһол тосхойбут,
Оһуурдаах-моһуурдаах
Олурҕалаах-охсуулаах,
Оһой-болой
Оллороот-боллороот,
Ото-маһа биллибэт
9190 Уоһай хара дайды устун
Уодараҥнаһан истилэр.
Сыарҕа таҥнастыбыт
Сыылаҥхай хара сыырдаах,
Бурҕалдьы булгуруйбут
Буурҕа-халарык тыыннаах,
Муус булгунньахтаах
Буомча хара аартык устун
Муунньары-хаанньары
Айаннатан бардылар.
9200 Өһөгөйдөөх өлүү
Ньүкэрэ хара
Төрдүгэр түһэр
Түгэҕэ биллибэт
Чөмөрө хара аартык
Дьөлөркөй үөдэн
Түгэҕин курдук
Чөҥөрүйэн түһэн барда.
Ол аартык айаҕын
Икки хаардаах
9210 Булгунньах саҕа
Хаалдьыктарыттан ыла
Харбыйа маҥаас
Сутаакы хара суордар
Хардарыта хабыалаһа
Олорор сирдэрэ буолла.
Онно тиийэн
Чугурус гына
Тохтуу түстүлэр.
Алаатыыр Ала Туйгун
9220 Абааһытын уолаттарын
Киһиргэтэ-дэгдэтэ турда:
— Мин уолаттарым
Сыыдам быһый,

219 -