Page 228 - Алаатыыр Ала Туйгун. 2-с үйэтэ
P. 228
Сылбаргы бөҕөс
Дьон буолуоххут.
Эһиги диэтэх обургулар
Ити суолу бүөлүү олорор
Сутаакы хара суордарга
Туоххутун да таарыттарбакка,
9230 Сулбу ойон
Тахсыҥ эрэ!
Хайдах курдук
Эр бэртэрэ,
Элик үтүөлэрэ
Эбиккитий? — диэтэ.
Инньэ диирин кытта
Икки абааһы уолаттара
Умсары түстүлэр,
Төттөрү төкүнүйдүлэр.
9240 Сытыы инньэ
Дэгиэ тыҥырахтаах,
Тимир долохоно
Сойуо түүлээх,
Уот тууспан харахтаах,
Куйбуур ураҕас кутуруктаах
Куочай соллоҥ
Куоска буоланнар,
Дыабайыахтарынан дыабайдылар,
Дьөгдьөйүөхтэринэн дьөгдьөйдүлэр,
9250 Быччайыахтарынан быччайдылар,
Түүрүллүөхтэринэн түүрүлүннүлэр,
Кирийэн-кирийэн,
Хантайан-хантайан,
Хатанан-хатанан баран,
Харбыйа манаас суордар
Хабыалаһа олорор
Айахтарын икки ардыларынан
Ыстанан кэбистилэр.
Быһа аһарыах бэйэлээхтэр
9260 Буолуохтара дуо?
Бастакы абааһы уолун
Быһар быһаҕаһынан
Быһа хабан
Ыйыстыахтарын икки ардыгар
Абааһылаах айыы бухатыырдара
Сулумах оноҕос курдук
220 -
