Page 251 - Алаатыыр Ала Туйгун. 2-с үйэтэ

Уорн убайым
Уот Субурҕа бухатыыр,
Ол аптаах моҕой үөнүн
Уҥа кулгааҕын иһиггэн
Уоран ылбатарбыт эрэ,
Эн биһигини
Ойох, эр буолан
10220 Олохолоруҥ,
Ураһа туттан
Ураадьыйыҥ диэбэт киһи буолуо.
Өлөрөртөн атыны өйдөөбөт,
Мэҥиэстэртэн атыны билбэт,
Сииртэн атыны
Тэрийбэт киһи буолуо.
Эйиэхэ буоллаҕына
Ойоҕо суох сылдьар
Ооҕуй муҥа буолуо эбээт,
10230 Миэхэ буоллаҕына
Эрэ суох сылдьар
Эрэйэ-накааһа
Эппин хааммын эрийдэ.
Онон эбит буоллаҕына
Убайым тойооскуну,
Улуу күтүрү,
Уллуҥ сирэйи
Утуйа сыттаҕына,
Өлөрөн-үөстээн бараммыт
10240 Эн биһиги бэйэбит
Көҥүлбүтүнэн күөдүлгэхтээн,
Талбыппытынан таалалыах этибит.
Ол гынан баран
Ол мин убайым
Обургу-дьаалы
Аптаах моҕойо
Бэйэтигэр баарын тухары
Быһар быһарһынан
Быһа оҕустаххына,
10250 Икки буолан бэкидитиэ,
Төбөтүн оройунан
Хайа оҕустаххына,
Түөрт буолан түөһүллэн туруо.
Куотар бөҕө
Кубулрппын киллэрдэхпинэ,
- 243 -