Page 286 - Алаатыыр Ала Туйгун. 2-с үйэтэ

Орто дойдуга тахсан,
Айыы-хаан аймахтарыгар
11720 Алдьархайы тардаары,
Аймааһын оҥороору
Албаһырда быһыылаах.
Адьарай бөҕө атамаанын
Аара ситэммин,
Аартыкка охторон,
Эккирэтэн тиийэммин
Ээххин этитэрим буолуо, — диэтэ да,
Кынатын түүтэ
Кырыылаах кылыс,
11730 Табыталын түүтэ
Тардыылаах саабыла,
Көхсүн түүтэ
Көр болот,
Уолугун түүтэ
Уһуктаах үҥүү,
Хабаҕын түүтэ
Хатан үөрбэ,
Барылыыр бастаах,
Курулуур кутуруктаах,
11740 Киҥкиниир киэҥ халлаан
Барылыыр бар чоҥкуруун
Өрүөстээх төбөлөөх
Өксөкү кыыл буолан,
Күүстээх сата курдук
Көтөн күүгүнээн таҕыста.
Өр да буолбата,
Өтөр да гыммата
Кэй куохалас кыылы
Кэнниттэн ситэн тиийэн,
11750 Сиритэ-хайыта харбаата.
Кэй куохалас кыыл туттарымына,
Тиэрэ-маары халаахтаата,
Төбөтүн ньулбутта,
Кынатын кыпсытта,
Кутуругун кумутта,
Сулус уотун курдук
Супту куугунаан түһэн,
Өлөр өлүү
Луо байҕал
11760 Үллэр үөһүгэр
- 278 -