Page 283 - Алаатыыр Ала Туйгун. 2-с үйэтэ

Өлөр өлүү күрдьаҕанан
11590 Таҥнары кулгуйда,
Дьиэтин ортб быһаҕаһынан
Туолан баран,
Түннүгүнэн-үөлэһинэн
Төлүтэ тэптэ,
Үҥкүрүйэ-үҥкүрүйэ үөгүлээтэ,
Таралыйа-таралыйа часкыйда:
— Үөдэн айаҕын дьонноро охсуһаннар,
Үлтү тэпсээри гыннылар,
Өрүһүйүөҥ-өрүһүйүҥ,
11600 Бу дойдуттан
Халбарыта тардыҥ, — диэтэ.
Инньэ диирин кытта
Абааһы атамааггара
Көстүбэт күтүрдэрэ
Ыйдаҥатааҕы тиит
Күлүгүн курдук,
Бэрис-күлүс, хапчыс,
Ырас-көдөс,
Лиһир-лаһыр гынан кэлэннэр,
11610 Илиититтэн-атаҕытган
Ооҕуй оҕус ситимин курдук
Ап чарай быанан
Ыйыллары кэлгийэннэр,
Аҕыс уон аҕыс
Туос ала
Харса бээгэй
Атыыр оҕустарын
Аҕыс атахтаах
Наарта хара
11620 Сыарҕаларыгар көлүйэннэр,
Үгүрэлэһэ-үгүрэлэһэ үҥкүрүггүлэр,
Төһүүлүү-төһүүлүү түөһүннэрдилэр.
Ыһыы-хаһыы ыраагга,
Үлүгэр-часкыыр үксээтэ,
Айманан -сайманан
Атаҕыттан таҥнары сыһан,
Күүгэс курдук күүгүнэһэн,
Сахсырҕа курдук сааҕынаһан,
Таан-Тараты диэки
11630 Таҥнары соһон,
Түҥкэлийэн түһэн,

- 275 -