Page 285 - Алаатыыр Ала Туйгун. 2-с үйэтэ
P. 285
Өһө-балай халлаан
Үллэр өрөһүтүн диэки
Өрөуһуутаан,
Тахсан эрэр эбит.
Отут ургунньахтаах
11680 Орто туруу
Дьоҕул дойдуга тахсаммын,
Уу харахтаах,
Утары ньуурдаах,
Уһаты уллуҥахтаах
Урааҥхай саха
Уһун урууларын,
Кэтит аймахтарын
Уулаах отон курдук ныһыйан,
Ириэнэх дьэдьиэн курдук
11690 Илдьитэпсэн,
Илгэ быйаҥнарын иһэн,
Ороскуоппун толунан,
Санаабын ситэн,
Тотон-туолан,
Торолуйа уойан,
Дуоһуйуом буоллаҕа диэн,
Ол дойду
Сордоох соболоҥноох
Добун силлиэ халлаанын
11700 Дьуодьайын диэки
Супту куугунаан,
Куотар бөҕө кубулҕаттанан,
Ааһар бөҕө албастанан,
Абаран-сатаран,
Аһаатарбын-сиэтэрбин диэн,
Айаҕын атан
Айаннаан истэ.
Алаатыыр Ала Туйгун
Алыс абарда,
.11710 Кырдьык кыһыйда:
— Бу туттаран туран,
Тута балыырдаах,
Көрдөрөн туран
Көрө мэлдьэхтээх
Көстүбэт бөҕө күтүрдээҕэ,
Сыыһа туттаран,
Халты харбатан,
- 277 -
