Page 281 - Алаатыыр Ала Туйгун. 2-с үйэтэ

Аҥсылҕаннаах аргыардаах,
Аррҕын иһигэр
Адалыйан турда.
Амырыын үлүгэрдик
Алларастыы турар халҕанын
Хаакыначчы аста,
Хатааһын чолбонун курдук
11510 Хаһылыччы көрдө,
Аллараа сымыһаҕын
Атаҕын тумсугар
Дьэллэтэн түһэрдэ,
Үөһээ уоһун
Балаҕанын үрдүгэр
Өрө сөтөрүттэ,
Айаҕын дьаабыта биллибэт гына,
Дьаллаччы атта,
Бэлэһэ бэтиэхтээтэ,
11520 Күөмэйин көҥкөлөй аанын курдук көҥкөттө,
Үөдэн түгэҕэ
Үмүрүйүөр диэри үөгүлээтэ,
Аат айаҕа
Аһыллыар диэри
Амырыыннык хаһыытаата:
— Бу туох ааттаах
Туспа дойду
Чоҕулҕан уола кэлэн,
Чобуоркуйан туран,
11530 Дьорҕойдоҕо буолла.
Дохсун күүстээхтэрим,
Дуолан бухатыырдарым
Тохтото охсуҥ,
Чороччу кэлгийэн
Тутан аҕалаҥҥыт,
Тус иннибэр
Умсары быраҕан,
Көхсүн ортотунан
Дьөлө тиҥилэхтээҥҥит,
11540 Тыыннаахтыы мөҕүһүннэрбитинэн
Субай хаанын
Ыймахтата тардыҥ,
Нохтолоох тойон сүрэҕин
Сулбу тардан таһааран,
Эмнэрэ охсуҥ, — диэн

- 273 -