Page 284 - Алаатыыр Ала Туйгун. 2-с үйэтэ

Бара турдулар.
Айыылаах абааһы бухатыырдара
Арсан Дуолай оҕонньор
Амырыыннаах арҕаҕын,
Уһуутуур ордуутун,
Иэримэ дьиэтин
Иһиттээх ымдаан курдук
Иҥнэри үктээтилэр,
11640 Сат тымтай курдук
Сабыта тэбистилэр,
Үөннээх түптүйэ курдук
Үлтү кэстилэр.
Айыы бухатыыра
Абааһы уолун
Тэбэрэ чиҥээтэ,
Охсоро улаатга,
Кырбыыра кытаагга,
Харса суох
11650 Хайыта сыста,
Быыстала суох
Тоҕута оҕуста,
у Чэгиэн этин сэймэхтээтэ,
^ Кыһыл этин кырбастаата.
Абааһы уола
Мэккиһэр кыаҕа мэлийдэ,
Охсуһар күүһэ уурайда,
Ааһар бөҕө
Албаһын аҕалла,
11660 Куотар бөҕө
Кубулҕатын киллэрдэ,
Хара күлүк буолан
Халты харбатта,
Мүччү туттарда.
Биирдэ көрдөҕүнэ
Үс бүгүйэх систээх,
Үөрбэ долоходоһун түүлээх,
Сэттэ багыыр*
Дэгиэ тыҥырахтаах,
11670 Иннинэн-кэннинэн төбөлөөх,
Кэтэҕин улаҕатыттан
Тиэрэ үүнэн тахсыбыт
Кэдирги дапсыыр кынаттаах,
Кэй куохалас кыыл буолан,
276
-