Page 282 - Алаатыыр Ала Туйгун. 2-с үйэтэ

Часкыйа-часкыйа
Дьааттаах хамсыктаах
Сараһын чалахай
Сыынъш-сыраанын
11550 Тоҕус былас
Соллоҥ хара тылынан
Туора-маары
С&тбанан кэбиһэ турда.
Аллараа дайды
Абааһыларын атамааннара,
Көстүбэггэрин күтүрдээхтэрэ,
Илиэһэйин бэртэрэ
Дьорҕойон кэлэннэр,
Чугаһыыбыт диэн,
11560 Тоҥ туу курдук
Тобута кэһиллэн,
Тобоҕолоно турдулар.
Өһөгөйдөөхтөрө талыллан,
Үөмэхтэһэн тиийэннэр,
Өлөрсөбүт диэн,
Үөннээх түптүйэ курдук
Үлтү тэпсиллэн,
Үөдэн-таһаан
Өлөн-сүтэн,
11570 Бүтэн истилэр.
Арсан Дуолай оҕонньор
Амырыын арҕаҕа,
Дьэбиннээх дьиэтэ
Сиидэ курдук сиксилиннэ.
Титирэстии дьигиһийдэ,
Кунуһа үрэлиннэ,
Кура суулунна,
Тулааһына тулхатыйда,
Баҕаната айгыраата,
11580 Өһүөтэ өҕүллэҥнээтэ,
Истиэнэтэ иҥнэһиннэ.
Арсан Дуолай оҕонньор
Бэйэтэ буоллаҕына
Сүнньэ доргуйда,
Төбөтө эргийдэ,
Иһэ-үөһэ сиксилиннэ,
Хамсыктаах хара чалахайьщан
Саба сыптарыйда,
- 274 -