Page 287 - Алаатыыр Ала Туйгун. 2-с үйэтэ

Өрүкүйэр ортотугар
Төбөтүн оройунан
Дьылыс гынан хаалла.
Өксөкү кыыл
Утуу-субуу харбаспытынан
Умсан дэбилис гынна,
Абааһы уола
Улуу Луо байҕал
Түҥкүнүүр түгэҕэр
11770 Хара дьуоҕатыгар
Тобулу түһэн
Куотуом диэбитэ —
Өксөкү кыыл
Уу иһигэр
Биирдэ урбачыс гынан ылыытыгар
Алтай кыраһынын курдук
Адырыйар арҕастаах,
Үҥүү-батас төбөтүн курдук өргөстөөх,
Эрбийэ сарадах чыпчааллаах,
11780 Суптугур төбөлөөх
Тимир дьуос балык буолан,
Кэй куохалас кыылы
Байҕал түгэҕэр тиэппэккэ,
Хатан-багыыр тиистэринэн
Дьэс хаалдьыгыттан
Батары ытыран ылла.
Өлөр үөһүттэн
Өтөрү ытырда,
Хамсаабат гына
11790 Хам ыга уопта,
Сиһин үөһүн
Үс сиринэн
Быһа тардан кэбиспитэ.
Абааһы уолун
Өлбүт өлүгэ
Сытыйбыт көлбөх курдук
Байҕал үрдүгэр көппөс гынан хаалла.
Тимир дьуос балык
Уу сирэйигэр
11800 Биирдэ эргичис гыныытыгар
Кынатын түүтэ
Кырыылаах кылыс,
Табыталын түүтэ
- 279 -