Page 308 - Алаатыыр Ала Туйгун. 2-с үйэтэ

Күрбүйээни тардан,
Охсуһууну туруоран,
Уолутарым-соһутарым,
Олус куһаҕан буолуо.
Онон эбит буоллаҕына
Туһааннаах доҕорбун
12670 Бэйэтин уһугуннаран,
Туох буолбутун
Истиэм буоллаҕа диэн,
Хотун ойоҕун
Харытытган тиийэн,
Харбаан ылан иһэн,
Туһааннаах доҕорум
Тойон эрим
Туппут эбит диэн,
Соһуйа көрөн
12680 Буруйбун муунталаан,
Айыыбын арсыыннаан,
Айдааны тардыаҕа диэн,
Алыс соһуйан,
Араас буолуо.
Онон эбит буоллаҕына,
Уолуппакка-соһуппакка,
Уһугуннарар туһунан
Толкуйдуу түһэн,
Турбахтаан баран,
12690 Булан-булан,
Муннун төбөтүн
Бобо туппута үһү.
Онуоха буоллаҕына
Хоонньуга сытар
Холоонноох доҕоро
Т ылл аах-өстөөх
Чычыгыр-чуоҕур аттаах
Нарын Ньургустай
Уолуйбакка-соһуйбакка,
12700 Оронуттан-тэллэҕиттэн
Уута ханан
Уһуктубут быһыынан
Уун-утары
Уулуу турар
Убаһа хараҕынан
Унаарыччы көрдө,
- 300 -