Page 309 - Алаатыыр Ала Туйгун. 2-с үйэтэ

Сэргэхсийбит быһыынан
Чэмэличчи көрдө,
Мичээрдии тоһуйда,
12710 Мичилийэ үөрдэ:
— Доҕоччугум оҕотоо!
Күн сиригэр эргиллэҥҥин,
Көрсүһэр да күннээх эбиппит ээ,
Оргууй доҕоруом!
Оҕону соһутааххыный,
Бэйэтэ даҕаны
Уолумтаҕай идэлээх, — диэтэ
Нарын Ньургустай.
Ону истэн баран,
12720 Алаатыыр Ала Туйгун
Уордайбыт санаата
Уҕарыс гынна,
Кыыһырбыт быһыыта
Кылбаччы мэлийдэ,
Сүрэҕэ үөрдэ, сүргэтэ көтөҕүлүннэ.
— Кырдьыга даҕаны
Аал уоту оттор,
Алаһа дьиэни араҥааччылыыр
Айыы хаан аймахтарыгар
12730 Аһыныылаах санаалаах,
Күн өркөн ууһугар
Көмүскэс сүрэхтээх
Бухатыыр уол оҕону
Төрөппүт эбит буоллаххына,
Маспытьш мастаан
Баччалаан киллэриэ,
Оппутун оттоон
Унаарыччы кэбиһиэ,
Бултаан-алтаан
12740 Бурҕайан-сиргэйэн*,
Булан-талан аһатар
Боччумнаах кэһиини
Булан тоһуйбуккун
Үөрүүлээх суол, — диэн
Үөрэ-көтө мичээрдээтэ.
Нарын Ньургустай буоллаҕына:
— Үөлээннээх үтүө доҕорум,
Үлүгэрдээх өлөр өлүү дойдутуттан
Өстөөххүн өлөрөҥҥүн,
- 301 -