Page 307 - Алаатыыр Ала Туйгун. 2-с үйэтэ
P. 307
Хардары кууһа сытар
Хара баранааҕы,
Халаахтыыр түөкунү
Хаалдьыгыттан ыламмын,
Хабарҕатыттан тутаммын,
Хантан кэлбиккин,
Ханнык ааттааххын,
Этэр тылын
Эппиэтин истиэм буоллаҕа, —
12630 Диэтэ да,
Дьэс хаалдьыгыттан
Болгуо тимир курдук
Модьу баабый тарбахтарынан
Батары харбаары гынан иһэн,
Этэ тарта,
Илиитэ салҕалаата,
Төттөрү чугуруйда,
Тиэрэ чинэрийдэ:
— Аарт-татай, оҕолоор!
12640 Хотун ойоҕум
Туһааннаах доҕорум
Тыллаах өстөөх
Чычыгыр Чуоҕур аттаах
Нарын Ньургустай
Соҕотох көнө
Судургу санаалаах,
Биир уларыйбат
Бигэ өйдөөх
Кыыс оҕо кытаанаҕа
12650 Буолуохтаах этэ.
Аартыкка суолга көрбүт
Албан-алын уолаттар
Албын-көлдьүн тылларыгар
Аралдьыйыа дни
Санаабат этим,
Ахтан тоһуйбут
Аймах-билэ дьоммор
Ааннарын аһаат,
Айдааны тардарым
12660 Алыһа бэрт буолуоҕа,
Көһүтэн олорор
Күндү дьоммор
Көтөн түһээт,
- 299 -
