Page 310 - Алаатыыр Ала Туйгун. 2-с үйэтэ

12750 Дьаныардааххын сарбыйан,
Хатааннааххын хаптатан,
Адьарай бөҕө
Аартыгын сабан,
Көстүбэт бөҕө
Суояун бүөлээн,
Үгүс элбэх
Үс саха төрдүгэр
Үйэ-саас тухары
Өлбөт-сүппэт
12760 Үтүөнү оҥорон,
Иитиллэн үөскээбит
Ийэ дайдыгар,
Иэримэ дьиэҕэр
Эт бэйэҕинэн
Эргиллэн кэлбиккин,
Күн өркөн уустара
Өрөгөйбүт үрдээтэҕэ,
Айыы хаан аймахтара
Саргыбыт салалыннаҕа, — диэн баран,
12770 Халыҥ көбдөхтөрүттэн
Хардарыта куустуһан туран,
Үөһээ-аллараа уостарыттан
Үстүү хамыйах хааны
Суптурута уураһан ыллылар.
Дьиэ кэргэттэрэ
Сэргэхсийэн уһуктан,
Үөрэн-кетөн
Үллэҥэлэһэн турдулар,
Күлэ-үөрэ көрүстүлэр,
12780 Куо-дьаа кэпсэттилэр,
Күөс бөҕөнү
Күдүөрүччү күөстээтилэр,
Ас бөҕөнү
Адаарыччы астаатылар.
Көтөҕөн-сүгэн үөскэтэн,
Күн сирин көрдөрбүт
Күбэй хотун ийэтэ
Кылааннаах өргөстөөх
Кыыс Ньургун бухатыыр
12790 Астаан-үөллээн айбалдьыйда,
Аһатаары-сиэтээри аамалдьыйда,
Үөрэн-көтөн мичилийдэ,

- 302 -