Page 312 - Алаатыыр Ала Туйгун. 2-с үйэтэ
P. 312
Матырҕаччы соҕус
Аһастаах киһи
Бото-бото сарны болтоҥнотго,
Сөрүө-сөрүө саҕаны сөллөҥнөттө,
12840 Сэриэккэлэри-ойоҕостору
Тииһинэн сыыйталаан,
Ньылбырыта тыытан,
Тилиргэтэ олордо.
Сотолору-уллуҥнары
Турута-хайыта ыстаан,
Суптурута оборон,
Көмүрүө унуоҕунан
Күүгүнэччи барылаччы
Тибиирэн кэбиһэ олордо.
12850 Көйөргөлөөх кымыһынан
Күөмэйин сууйда,
Саамай кымыһынан
Айаҕын сайҕаата,
Чороон мунунан тоҥхотто,
Кытыйа мунунан киллиргэттэ,
Ымыйа мунунан ыймахтаата,
Иһит мунунан истэ,
Аһаан-сиэн,
Астынан тотон,
12860 Уоһун-тииһиин сотунна,
Ойон турда.
— Илин Сибиир
Иҥиэстэр эҥийэтигэр,
Алын халлаан
Анысханнаах алын таһаатыгар,
Итии Дьирибинэ
Байҕалга таийэммин,
Көлбөхтөөх көлөһүммүн,
Көҥү суунан,
12870 Хара дьайбын
Хастыы суунан,
Эргиллэн кэлиибэр
Түөлбэлээх түһүлгэтэ тэрийиҥ,
Уйгулаах ыһыахта
Оҥорон тоһуйаарыҥ, — диэн баран,
Урбачыс гынан
Ойон таҕыста,
Умсары түстэ,
- 304 -
