Page 313 - Алаатыыр Ала Туйгун. 2-с үйэтэ

Төтгөрү төкүнүйдэ,
12880 Курулуур кутуруктаах,
Барылыыр бастаах
Киҥкиниир киэҥ халлаан
Барылыыр бар чоҥкуруун
Мохсоҕол кыыла буолан,
Үрдүк халлаан
Үллэр-сааллар өрөһөтүгэр
Өрө көтөн
Өксөйөн таҕыста,
Илин халлаан
12890 Иҥиэттэр алын
Кырыытын диэки
Супту куугунуу турда.
Күн сирин көрдөрбүт
Күбэй хотун ийэлэрэ
Кылааннаах өргөстөөх
Кыыс Ньургун бухатыыр
Уһун урууларын,
Кэтит аймахтарын
Ыксаллык ыҥыттарда,
12900 Тиэтэллик тэҥсиктэттэ.
Айыы хаан аймахтара
Арыы тиит курдук
Арыаллаһан кэллилэр,
Үгүс элбэх
Үрэхтэрин баһыттан
Үтүө-билэ дьоно
Үөр туллук курдук
Үмүөрүһэн кэллилэр.
Бу Күн Тэгиэримэ эбэ хотун
12910 Киэркэйэр киинигэр,
Дьогдьойор саалыгар,
Туналыйар ньууругар,
Туйгутуур уорҕатыгар,
Таалалыыр саһыл хонуутугар,
Ньалҕарыйар таманыгар
Улуу күөл көхсүн саҕа
Түөлбэ түһүлгэни тэрийдилэр,
Арыы тиит саҕа
Аан чэчири астылар.
12920 Бу түөлбэлээх
Түһүлгэ үөһүгэр
- 305 -