Page 314 - Алаатыыр Ала Туйгун. 2-с үйэтэ

Араҕас далбардарыгар
Аан чэчирдэрин иһигэр
Алаатыыр Ала Туйгун бухатыыр
Эт бэйэтинэн,
Илэ дьүһүнүнэн
Тура түстэ.
Хорсун-бөҕөс уолатгар
Курайа сүүрэн кэллилэр,
12930 Сыыдам-быһый кыргыттар
Сырсан мэтэриһэн тиийэннэр,
Уруйдуу-айхаллыы тоһуйдулар.
Ый-күн көҕөрөр
Ытык ыһыаҕын ыстылар,
Ураҕас тиийбэт
Уйгутун оҥордулар,
Талах тиийбэт
Чаллырыына буолла,
Оонньууну оройуттан туттулар,
12940 Көрү көҕүлүттэн харбаатылар.
Суон дугдалара,
Халыҥ хаххалара
Алаатыыр Ала Туйгун
Бухатыырдара баар буолан,
Аҕыс атахтаах
Адьарай бөҕө
Адалыйан кэлэн,
Атаҕастаан-баттаан,
Алдьатан -өлөрөн,
12950 Аһылык гыныа диэн,
Амырыыннаах кутталлара ааста.
Көстүбэт бөҕөлөр күтүрдэрэ
Күөдэлийэн кэлэннэр,
Күөмчүлээн-күүркэйэн
Күөстэнэн-аһаан
Күнтэн сүтэриэхтэрэ диэн,
Күлүгүрэн турбут
Күтүрдээх кутталлара
Көлбөрүйэн ааста.
12960 Күннэрэ таҕыста,
Күөрэгэйдэрэ ыллаата,
Көхсүлэрэ кэҥээтэ,
Күлүү-оонньуу үксээтэ,
Көр-нар элбээтэ.
306 -