Page 316 - Алаатыыр Ала Туйгун. 2-с үйэтэ

Баай хара тыабар
Байанай көрдьөһө
13010 Баран көрдөҕүм, — диэтэ.
Оонньуур тардыалыыр
Оноҕос саатын туппутунан
Ойонтахсан,
Тол оон хонуутун
Ортотунан туораан,
Тураҥ буору
Логлорута тэбэн,
Иитиллэн үөскээбит
Ийэ дайдытын
13020 Илин өртүнэн
Иилии эргийэн түспүт,
Эрдэҕэс улар кыылым
Эрбийэтин түүтүн курдук
Эргэнэ хара тыатын иһигэр
Эпчимирэн киирдэ.
Өксөкү кыылым
Көмөҕөйүн түүтүн
Өрүкүччү туппут курдук
Ү рд үк хара тыатыгар
13030 Өрө сүүрэн
Өрөкүйэн таҕыста.
Бултаабатах киһи
Бултуу барбыта
Морускуой буолла,
Сонордооботох киһи
Сонордуу тахсыбыта
Дохсун соҕус буолла.
Турар тиити тоҕута көттө,
Сытар сыгынаҕы илдьи тэбиннэ,
13040 Үөл тыаны үлтү көттө,
Кураанах тыаны кумалаата,
Хардаҥ хара тыа
Хатын дьылҕан маһын
Харытын таһынан
Хампарыта садьыйда,
Оһуор хара тыа
Уһун дьылҕан тииттэрин
Уллунунан булгурута көтөн,
Туе хоту диэки
13050 Курайа сүүрэн
- 308 -