Page 319 - Алаатыыр Ала Туйгун. 2-с үйэтэ

Ботуччу сүгэһэрдэнэн,
Бурҕайан-сиргэйэн,
Тугу бултаан тиийдэхпинэ,
13140 Дьонум-сэргэм
Сонургуу көрүөхтэрэй диэн,
Толкуйдуу саныы турдаҕына,
Тус иннигэр
Эрбэллибит мутуктаах,
Эриэхэлээх төбөлөөх,
Эриллэҕэс хатырыктаах,
Сиэрэй күөх
Тэлибириир сэбирдэхтээх
Силигирии көҕөрөн турар
13150 Тирэх маһым
Куоҕайар төбөтүгэр,
Нусхайар мутугар
Чөрөллүбүт кулгаахтаах,
Чоҥолуйбут харахтаах,
Субуруйбут кутуруктаах
Соҕотох сур тииҥ
Суулуу туттан,
Токуруччу түһэн,
Чөрөллөн олорор эбит.
13160 Ону көрө түһээт,
Хапсаҕайдык хамсанна,
Суһаллык тутунна,
Сулумах оҕунан
Тобулу ытан түһэрдэ.
Сиргэ тиийиэн иннинэ
Ылгын тарбаҕын
Ыырааҕын быыһыгар
Кыбыта охсон ылла.
Ол гынан баран
13170 Бултаабыт киһиэхэ
Булт күндү эбит.
Кичэллик тутта,
Кэрэхсии санаата,
Күндүтүк көрдө.
Бу эргэнэ хара тыам
Элбэх үгүс
Эгэлгэ түүлээҕиттэн
Дьогдьоон хара тыаҕа
Дугдаланан үөскээбит
- 311 -