Page 321 - Алаатыыр Ала Туйгун. 2-с үйэтэ

Күрэ таас
Күһүгүрүү көҥүрүйдэ,
Күдэн оргуйда,
Күдэрик түстэ,
Хаалык тыаһа хаһыырда,
Хайыһар тыаһа харылаата.
Туруук хайа улаҕатытган
13230 Күкүр хайа күлүгүттэн
Күскэс таба тириитинэн
Көскөччү таҥныбыт,
Дагда таба тэриитэ
Сарыы саҕынньаҕы
Дагдаччы кэппит,
Балыксыт ьталым
Балаҕанын эркинин саҕа
Багдаллыбыт сарыннаах,
Баараҕай тиит
13240 Үөрэҕэһин курдук
Бадьарыйбыт быччыҥнардаах,
Мадьаллыбыт атахтаах,
Майҕаллыбыт өртүктээх,
Мардьаллыбыт түөстээх,
Былас ордуга
Түөс аҥаара сирэйдээх,
Толору томороон ньуурдаах,
Толуу-бөдөҥ дьүһүннээх
Дуолан бөҕө
13250 Тоҥус бухатыыра
Икки сур харыйа курдук
Суорбан маҕан хаалыгынан
Суорба тааһы
Суура муус курдук
Тобулута тайанан,
Икки туут дьулусхан
Хара килэдьи хайыһарынан
Ньыгыл хара
Сымара тааһы
13260 Кыыс бэрбээкэйинэн
Кыраһа хаар курдук
Хайа тыыран,
Хара буурҕанан оргуйан,
Халыһытан кэлэн,
Харыс гына түстэ.
- 313 -