Page 32 - Алаатыыр Ала Туйгун. 2-с үйэтэ

Муоһа тарааҕынан
Тараана-тараана,
Үөрбүт-көппүт дьүһүнүнэн
Утары көрөн туран,
Убул-субул тыынна,
Утуу-субуу
Саҥара турбут
980 Хоһооно эгэлгэтэ
Маннык буолта үһү:
— Дьиэ буо, дьиэ буо!
Айыы хаан аймахтарытган,
Аһыныылаах санаалаах
Күн өркөн уустарыттан
Көмүскэс сүрохтээх
Күүстээх бухатыыр кэлэн,
Көмүскээн ылла диэбэтэҕим.
Бу хабырыйан турар
990 Халлааным анныгар,
Сириэдийэн үөскээбит
Сирим үрдүгэр
Саманнык күүстээх-уохтаах
Бухатыыр киһи баарын
Бу харахпынан көрбөтөҕүм,
Хаптаҕай кулгаахпынан
Ханна да истэ илик этим.
Хантан кэлэн
Үрүҥтыыммын өрүһүйдүҥ,
1000 Хаарыан тыыммын харыһыйдыҥ.
Аҕыс айыы төрдүттэн
Ананан түстэҕиҥ дуу?
Отут ургунньахтаах
Орто туруу дьаҕыл дойду
Улаҕа чиэрэс өртүттэн
Оҕо киһи улаатан,
Силгэҥ ситэн,
Төрдүҥтуолан,
Дуолан бухатыыр буолан,
1010 Кэлбиккин билбэтим дуу?!
Кэс тылла кэпсиэ эрэ,
Күн сиригэр костүбэтэх
Күүстээх-уохтаах
Дуолан бухатыыр, — диэтэ.
Онуоха буоллаҕына

- 28 -