Page 30 - Алаатыыр Ала Туйгун. 2-с үйэтэ

Уулдьаҕай инигин,
Эйиигин баҕас
890 Итии хааҥҥын итиитэ иһэн,
Буһуу хааҥҥын буһуута омурдан,
Тыыннаахтыы туруорбутунан
Т ырыта-хайыта тыытан,
Чэгиэн эккин сиикэйдии
Сибилигин сиэммит,
Сэниэ киллэрэн бараммыт,
Кыыс Ньургун бухатыыры
Кыайан-хотон киирэммит,
Тойоммутуттан хайҕанан,
900 Тоҕус уон
Куортугу тутуохпут,
Сэттэ уон
Мэтээли иилиниэхпит,
Абааһы бухатыырдарыттан
Атамааннара аатырыахпыт, —
Диэтилэр да,
Айахтарын аппытынан,
Тын ырахтары н сарап п ытынан,
Торҕотообут эһэ курдук
910 Часкыйа түһэн баран,
Тэбис-тэҥҥэ кэлэн
Саба түстүлэр.
Иннинэн-кэннинэн
Хамсатыахпыт суоҕа диэн,
Хардарыта кууһан,
Хады харбаан ыллылар.
Алаатыыр Ала Туйгун
Обургу дьаалы,
Кини диэтэх киһи,
920 Иниирин күүртэ,
Этин тыылыннарда,
Дэриэспэ тааһы
Дэлбэритэ* тиҥилэхтээт,
Дибдигирии түстэ.
Сир ийэ
Чэҥнээх түгэҕиттэн
Титирэстии түһүөр диэри
Дьигиһис гынан
Илгистэн кэбиспитэ —
930 Икки абааһы уола
- 26 -