Page 31 - Алаатыыр Ала Туйгун. 2-с үйэтэ

Икки аҥы тиийэннэр,
Суорба таас хайаҕа
Дьулайдарын тобулу түһэннэр,
Тарайа уҥан сыттылар.
Кур түү курдук
Курдурҕаччы тэбистэ,
Хол-буут араартаата,
Өлүктэрин унуохтарын
Үмүрүччү тарда турар
940 Үөдэн түгэҕин диэки
Көстүбэт гына
Күллүргэччи бырахта.
Аллараа аан чалай
Аартыгын айаҕын,
Өлөр өлүү
Күҥкүйэтин түгэҕин,
Үөдэн айаҕын
Бүөлүү тэпсэн таҕыста.
Турар туруук хайалары
950 Суулларыта тардан ыла-ыла,
Баараҕай булгунньах саҕаны
Тараччы көтөҕөн аҕала-аҕала,
Үрдүк былыт
Соһуутугар тиийэ,
Тулҕатыйбат туруук хайа буолар гына,
Томточчу кыстаан таһаарда.
Үйэ-саас тухары
Өлүү суолун бүөлээн
Үллэччи үүнэ турар
960 Өксөкүүлээх Бүрүө Бөҕө
Уларыйбат очуоһа
Буоллун диэн,
Айыы хаан аймахтара
Аатгаатыннар, —диэтэ.
Ол гынан баран
Үлэлээн-хамсаан
Бүппүт киһи быһыытынан
Эргиллэн көрбүтэ —
Ийэтэ Кылааннаах өргөстөөх
Кыыс Ньургун бухатыыр
970 Охсуһууттан иштсибит
Уһун сыыйыллаҕас баттаҕын
Мааман кыһыл

- 27 -