Page 35 - Алаатыыр Ала Туйгун. 2-с үйэтэ

Көлөһүн бөҕө тохтубута.
Мутугунан быраҕар
Мунур үйэбэр
Сынньалаҥ олоххо олорбокко,
Сылбай уубун утуйбатах
Сындалҕаннаах сырыыны сырыттым,
Элбэх илистиилээх
Эккирэтиини көрүстүм,
1110 Көстүбэт бөҕө күтүрдэриттэн
Көмүскээн ылар
Күдэн күүстээҕи,
Күн айыы дьонуттан
Көрүөм диэбэтэҕим.
Ол гынан баран
Мин даҕаны тулхадыйбат
Туруук хайа курдук
Дьолум-соргум
Тус иннибэр
1120 Тосхойбут эбит.
Кэннибэр хаалан
Кэнчээри ыччаты кэскиллиир
Кмһилээх эбиппин,
Оннубар хаалан
Уот оттор,
Уҥуохпун араҥастыыр
Оҕолоох буолбуппун.
Албан ааппын
Айыым дьонугар ааттатыаҥ,
1130 Дьоһун сурахпын
Дьоҥҥо-сэргэҕэ солбуйуоҥ,
Уруй-туску буоллун,
Уруй-айхал буоллун! — диэтэ.
Онуоха буоллаҕына
Алаатыыр Ала Туйгун
Саманнык диэн
Саҥа саҥара турда:
— Дьиэ буо, дьиэ буо!
Күн сирин көрдөрбүт
1140 Күбэй хотун ийэккээм,
Эйиигин солбуйаары,
Эрэллээх оҕоҥ
Эккирэтэн кэлэммин,
Иннигэр тоһуйдум.
- 31 -