Page 29 - Алаатыыр Ала Туйгун. 2-с үйэтэ

Адьарай бөҕө алдьархайдарын
Адаарытан аххан биэрбитэ,
Аһайан туран аҕыйаппыта.
Ол иһин
Көстүбэт биистэрэ
850 Кыырыктаах өһү өстөммүттэрэ.
Кыһыл этин кырбастаан,
Кыа-хаанын тоҕон,
Кыайдарбыт эрэ
Сүүллүүлээх сүрэҕин,
Хайгыалаах хара быарын,
Чиккэйэр сиһин-үөһүн
Сыыйа тардан ылан,
Аҕа баһылыкпытыгар,
Арбаҕастаах тойоммутугар
860 Арсан Дуолай оҕоннъорго
Юиллэрэн биэрэргэ
Бигэ бирикээһи биэрбиттэр,
Амырыын андаҕары андаҕаппытгара.
Биһиги диэтэх дьон
Күүһүн баратан,
Күдэҕин эһэн,
Дохсун бэйэтин солбонутан,
Тохтотор күммүт
Чугаһаан эрдэҕинэ,
870 Күн өркөн ууһун
Күөччэҕэр көппөйбүт,
Күүгэн эттээх
Көппөҕөрө кэлэҥҥин,
Көмүскээн ылаары,
Көһүннэҕиҥ дуу?!
Көхсүгүн дьөлө үктээн,
Субай хааҥҥын супту уулаан,
Күллүргэччи иһэн,
Күөмэйбитин сууйуохпут,
880 Чабылыйан кэлбит
Чаччыгыныар оҕотун
Тараччы тутан ылан,
Томтойор түөһүн иһиттэн
Сүллүүлээх сүрэххин
Сулбу тардан ылан,
Чуубурҕаччы эмиэхпит.
Оҕо киһи эрэйдээх
- 25 -