Page 28 - Алаатыыр Ала Туйгун. 2-с үйэтэ

Сүһүөҕэ тэптэ,
Өндөйдөр көстүбэт,
Үөгүлээтэр иһиллибэт,
Үрдүк бүгүдүр хайа
Үрүт дьирбиититтэн
Соҕотохто буурдаан кэлэн,
Өһөгөйдөөх үөдэн ытаҕын
Үмүрүйэр тардыытыгар
810 Үкүр күөл оннун саҕа
Күрэ тааһы
Көҥү түһэн кэбистэ.
Үөһээ дьабыннаах
Үөһэ өрүкүс гынна,
Аллараа дьабыннаах
Аллара кэҥирис гынна.
Сирдиин ньиргийдэ,
Дойдулуун сатараата,
Муоралыын дьалкыйда,
820 Күдэнниин көттө,
Дьайдыын тарҕанна,
Соболоҥнуун сууйулунна.
Онуоха буоллаҕына
Абааһы уолаттара
Үөһээ дойду
Өлүү түллэнэй бухатыыр,
Аллараа дойду
Ала Буурай обургу
Соһуйаннар чугурус гына,
830 Тохтуу түстүлэр.
Саах балбаах саҕа
Дапсыыр хара ытыстарынан
Таҥнары чарапчыланан тураннар,
Саҥа саҥаран,
Сатаарыһа турдулар:
— Буойака, буойака?!
Аар-дьаалы ини,
Аарт-татай, оҕолоор!
Бу кылааннаах өргөстөөх
840 Къ1ыс Ньургун бухатыыр
Күн дьонун көмүскээн,
Көстүбэт бөҕө күүстээхтэрин
Күөлэһитэн туран көҕүрэппитэ.
Айыы дьонун харыстаан
- 2 4 -