Page 40 - Алаатыыр Ала Туйгун. 2-с үйэтэ

Тииҥ-кырынаас кыыл
Тэнийэн үөскээбит
Сиһик ойуурдаах,
1320 Тэтиҥ-чараҥ былаастаах,
Тэҥкэ тииттээх
Сэҥдэҥэ хара тыалар
Сиэр сылгы
Сиэллээх көҕүлүн
Сигидиччи туппут курдук
Сиидэлэнэн-сиксиллэн,
Сыыйыллан-сыдьаайданан,
Солоҥдо саһыл кыылын
Тунуйан үөскээбит,
1330 Токутар улар уйаламмыт,
Торҕон бөрө сыбыытаабыт
Догдоҥо хара тыалар
Соноҕос ат кутуругун
Субуруччу туппут курдук
Сундаара сыыйыллан
Ааһан истилэр.
Адьырҕа эһэ арҕахтаммыт,
Аҥаалык улар ууһаабыт
Аарыма сис тыалар
' 1340 Аас-маҕан
Атыыр сылгы
Ардайдаах сиэлин
Адаарыччы туппут курдук,
Адырыйан сиксиллэн
Ааһан истилэр.
Куобах, бочутурас кыыллар
Хорҕойон үөскээбит
Курун хара тыалаах,
Кундаар систээх,
1350 Курулуур үрэхтээх
Хопто куоҕас кыылым
Хойдон үөскээбит
Кута муох кытыылаах
Кулуһун манчаары тулалаах,
Дьэбидийэр дьэс тыымпылар
Тимир тэлиэккэ* курдук
Эҥсэлиһэн элэҥнэһэн
Ааһан истилэр.
Хабдьы, бочугурас кыылым

36 -