Page 374 - Алаатыыр Ала Туйгун. 2-с үйэтэ

Тобугуҥ үрдүгэр
Токуйа кырдьыаххар диэри,
Дохсун санааҥ
Тохтооботох эбит,
Баччалаах үлүгэр
Акыйа кырдьан
Аарыгырыаххар диэри
Ахсым санааҥ
15510 Ааспат эбит,
Аллараа-үөһээ дойдулар
Адьарай бөҕөлөрүн
Адалытан таһаараҥнын,
Айыы хаан аймахтарын
Айах тутан,
Аһылык оҥорон,
Аҕыйатан олорбуккар
Баҕаҥ ханымына
Маҥалайыҥ туолумуна,
15520 Күн бүгүҥҥэ диэри
Көстүбэт бөҕө күтүрдээҕин
Күөдэлитэн аҕалаҥҥын,
Күн айыы дьонун
Көҕүрэттэрэн эрдэххин,
Көрөҕүөн-көрбөккүөн!
Чаачарынан ытар
Саллайар сааскар,
Мутугунан быраҕар
Муҥур үйэҕэр
15530 Бу орто
Аан ийэ дойдуга
Оһолу-төрүөтү оҥоро,
Охсуһууну-айдааны тарда,
Уһун сутулу туруора,
Ордооттоон олорбутуҥ.
Орто дойдуну
Тордуйалаах уу курдук долгуһутта,
Дьоллоох түһүлгэтин тохто,
Уйгу-быйаҥын уоһуннардыҥ,
15540 Отун-маһын хагдарыттыҥ.
Киһитин-сүөһүтүн кэҕиннэрэн,
Түҥнэстигэс дьүүллээх,
Таҥнастыгас дьаһаллаах,
Кэдэрги кэмэлдьилээх,

- 366 -