Page 373 - Алаатыыр Ала Туйгун. 2-с үйэтэ

Бу тоҕус толуу үрэх баһын
15460 Торолуйар тойоно буолбут
Чукдаарыкы Тойон обургу-дьаалы
Нүһэр-бараан дьүһүнэ,
Халыҥ-киппэ киэбэ,
Хайдах эбитий диэн,
Тус инниттэн
Супту одуулаан таһаарбыта —
Толуу дьүһүнэ
Томороон ньуура
Собо миинин курдук
15470 Суһуктуйбут эбит.
Мае халҕан саҕа
Малайбыт сирэйэ
Балык миинин курдук
Болоодуйбут эбит,
Көмөр хара баттаҕа
Көмнөхтөөх сэки курдук
Күрэҥсийбит эбит,
Үскэллээх бэйэтэ
Өкөр быһыыламмыт,
15480 Туруору уҥуоҕа
Токур систэммит,
Ньохчойбут көҕүстэммит,
Багдайбыт көрүҥэ
Бакыр атахтаммыт,
Маадьарр сотоломмут,
Майрҕар өттүктэммит,
Холбоҕой көҕүстэнэн,
Нүксүгүр сүрүннэммит,
Ньөкөҕөр быһыыламмыт,
15490 Дохсун бэйэтэ
Тобугун үрдүгэр
Токуйа кырдьыбыт,
Бардам бэйэтэ
Бакыр сүһүөхтэммит,
Бакыйа кырдьыбыт.
Ону корон баран,
Саманнык диэн
Саҥа саҥара турда:
— Дьиэ буо, дьиэ буо!
15500 Чукдаарыкы Тойон обургу
Сабачча үлүгэр
365 -