Page 375 - Алаатыыр Ала Туйгун. 2-с үйэтэ
P. 375
Кэрэҕэй сигилилээх
Кэп суорун
Кэбэлкэй киһитэ эбиккин, — диэтэ.
Ол гынан баран
Киэҥ Тумарыкы Эбэ хотун
15550 Килэрийэр киинигэр,
Туналыйар ньууругар,
Туйгуутуур уорҕатыгар
Тобурах тохтооботох,
Кыппай сыстыбатах
Кыскыйар кыыдааннаах,
Часкыйар саталаах
Тараҕай таас булгунньаҕар
Ириэнэх сири
Ирбэт чэҥэр тиийэ
15560 Илдьи тэбинэн,
Тураҥ буору
Тоҥ булууһугар тиийэ,
Тобулу тэбэн,
Сүүрэн мадьыкыччыйан киирэн,
Сүллээх этиҥ курдук
Ньир гына өрө саалла,
Буурдаан таҕыста.
Ол гынан баран
Тула көрөн кэбиспитэ —
15570 Булгунньах тэллэҕэр
Буор тумул саҕа
Муус буурҕа тыыннаах
Бөрөлүү уобар,
Бүтүннүү ыйыстар
Куоһара хара
Кудулу Моҕой бухатыыр
Обургу дьаалы
Көстүбэт бөҕө
Күтүрдээх үлүгэрэ,
15580 Адьарай бөҕө
Амырыыннаах адьырҕата
Бу дойду
Хотолдьуйбат хочотун
Хонноҕун анныгар диэри
Кута бадараан курдук
Хоточчу дьиппинитэн,
Саннын хараҕар диэри
- 367 -
